لم أجد ردا على وصف مرسى للنوبيين بالجالية و وصف العريان لهم بالغزاة
أبلغ من
كلمات الاستاذ محمود عبد الرحيم على ما
أذكرها منذ أن كنت بالمدرسة الأعدادية
يا رب أكون افتكرتها صح
بين الجبل و انهر
الأستاذ محمود عبد الرحيم
مدرس لغة عربية
-----------------------------------
بين الجبل و النهر
كانت حضارتنا
تتحدى صلب الصخر
أنا مين أنا..
أنا نوبى ابن السمر و لو عديت ألفين ممر
أنا كوش من غير رتوش
أنا فين أنا..
أنا بين جبال و المية طعم المر
أنا بين ضلوع الستر بتخبط ما ألاقى الستر
فارقت سعف النخل حاضن كل بيت
و الدمع فوق الخد يروى كل غيط
من أجل السد قمت و سديت كل بيت
من أجل مصر هصوم و هفطر زيت
ورونى فين الصافى و العراقى فين البيت
فين السما الصافية ده أنا اتحيرت
فين ضحكة الطفل الصغير و ايديه مليانة طين
فين جدتى بالمبخرة فرحانة من خير السنين
فين طلعة السمرا حلاها فى الجرجار
تتحدى لون البدر فى آذار
لما المراكب تنحنى للدار
مرساها قلوب تخاف العار
يا بكرة فين شمس الأصيل يضوى
عشان التمر فوق النخل يسمر الخضار
بين المقل ننى العيون تحتار
ليه يسألوك تحتار
مين اللى قال ان الوطن بالاختيار
مين اللى قال ان الوطن بالاختيار
مين اللى قال ان الوطن بالاختيار
قومى نفرتارى و هزى الماضى بالغربال
خلى أصالة مصر نصر فى كل حال
